Búbblur & Bjór

Uppfinningar

Í þessum þætti förum við yfir frábærar uppfinningar mannsins, ömurlegar uppfinningar mannsins og fáránlega fyndnar og jafnvel tilgangslausar uppfinningar mannsins. Til dæmis: Hjólastóll með pedölum, skautabarnaróla, barnabúr í glugga, dildo ruggustóllinn og hver var það sem fann upp helvítis pop up auglýsingar í tölvunni þinni! Við nafngreinum þann andskota!

Trúmál

Í þessum þætti fáum við 2 gesti, Davíð sem kemur sem trúarsérfræðingur og Þröstur sem er ekta Íslendingur og trúir á álfa. Það er kominn safi í hópinn þar sem við erum að halda upp á afmælið hans Birkis þennan dag og vafasamar skoðanir koma í ljós. Birkir segir okkur frá draug sem ofsækir vinnustaðinn hans, Daði kallar Jodie Foster bölvaðan lygara, Þröstur trúir ekki á glimmer fullnægingu álfa, og er Davíð satanisti eða ekki? Í þessum þætti er mörgum spurningum svarað og sumar eru hreinlega ekki svaraverðar!

Youtube

Birkir sýnir okkur nýja hárgreiðslu (vídeó á instagram/facebook/youtube). Hann útskýrir einnig fyrir okkur hvað Panus er, við förum yfir um 3.000 persónuleg hate comments sem áttu eitt sameiginlegt, og í guðanna bænum, getur einhver útskýrt fyrir Birki muninn á BTS og BDSM! Já, fyrirbærið youtube fær líka einhverja umfjöllun í þættinum!

Tónlistarsmekkur

Í þessum þætti förum við yfir tónlistarsmekk hvors annars, og dæmum, sumir meira en aðrir, það er óhætt að segja að Birkir er stórhneykslaður á því sem stendur upp úr hjá Daða í tónlistinni. Við hringjum í mesta Metallica aðdáanda Íslands og gerum hann þokkalega pirraðan. Birkir kastar svakalegum upplýsingum út í kosmósinn sem þarf að skoða og ræða frekar í náinni framtíð og hver er kallaður Bono tottandi lítið gerpi? Það kemur allt í ljós í þessum þætti!

Viðtal: Garðar "Kilo" Eyfjörð

Við fengum hinn ótrúlega skemmtilega Garðar eða Kilo til okkar í viðtal. Hann er ekki bara skemmtilegur, fyndinn og frábær rappari, heldur líka með skemmtilegri sögumönnum sem finnast. Hann fer yfir æskuna, neysluna, hjartaáfallið, vandræðalegasta atvikið og margt fleira í þessum stórskemmtilega þætti.

Samsæriskenningar

Er jörðin flöt? Er Lee Harvey Oswald saklaus? Hvað gerðist 9/11?
Settu á þig álhattinn með Birki og Daða og kafaðu aðeins með þeim niður í nokkrar samsæriskenningar.

Lýtaaðgerðir

Í þessum þætti fjalla Birkir og Daði um lýtaaðgerðir, einhverjir þurfa ekki endilega á þeim að halda, aðrir þurfa kannski smá á þeim að halda, og sumir fara hreinlega overboard í þeim. Hér er ekki verið að dæma neinn, einkunnarorð þessar þáttar eru "You do you if it makes you happy".
Skál!

Fóbíur

Í þessum fyrsta Búbblur & Bjór þætti fjöllum við um allsskonar fóbíur sem sálir heimsins þurfa að díla við, sumar skiljanlegar, aðrar stórfurðulegar! Ert þú með fóbíu? Skál!