Búbblur & Bjór

eBay!

Birkir talar um nýyfirstaðna ferð til New York og við ræðum hvar við vorum staddir þegar 9/11 gerðist. Hann segir okkur frá Ground Zero og minnisvörðunum. Við förum svo yfir furðulega hluti sem hafa selst á eBay og oftar en ekki á svakalegar upphæðir. Til dæmis gamlar tyggjóklessur frá frægum einstaklingum sem seldist á tugi milljóna króna,
Paul sem setti fyrrverandi konuna sína á sölu á eBay og varaði fólk við slæmum kaupum þar. Gaurinn sem geymdi restina af vatninu hans Elvis Presley af tónleikum í 27 ár, hverjir eru eiginlega þessir meistarar á bakvið Golden Palace.com sem kaupa allan andskotann á ebay og hvað ætlum við sjálfir að reyna að selja á margar milljónir á eBay á næstu dögum?
 
Fylgist með því ævintýri á facebook og instagram hjá okkur.
www.bubblurogbjor.is

Guinness World Records

Í þessum þætti förum við yfir furðuleg og fáránleg heimsmet sem hafa ratað í heimsmetabók/skrá Guinness.
Einnig fræðir Birkir okkur um af hverju þetta heitir Guinness og einhverra hluta vegna líka um meðalstærð typpa á Íslandi....
Við tölum t.d um heimsmetið í pöbbarölti, heimsmet í sniglum á andliti (maður gæti spurt af hverju en einhverjir eru athyglissjúkir), lengsta uppistand heims, lengsti ropi í heimi og lengsta hikstakast heims sem er sláandi svona til að nefna eitthvað smá af því sem við förum yfir. Og við munum auðvitað setja efni á instagram tengt málefni þáttarins!

Páskablaður

Við tökum aðeins öðruvísi þátt núna þar sem við spjöllum um nýyfirstaðna rosalega Amsterdam ferð, við smökkum nokkra páskabjóra og páskaegg, Birkir les upp úr „Dagbók Daða“, við tölum um málefni líðandi stundar, Eurovision, Óskarsverðlaunin, peningarán, 10 ára gutta sem stal leigubíl og Birkir fær eina bestu hugmynd tengda íslensku páskaeggjunum, GAMECHANGER fyrir framtíðina! Gleðilega páska!

Dýr mistök

Í þessum þætti förum við yfir allsskonar dýr mistök í heiminum, allt frá heimskulegum ákvörðunum til hreinnar óheppni! Dýr mistök í kvikmyndum? Hvað gerðist þegar kók ákvað að hressa upp á kókuppskriftina 1985? Hvað kostaði það umboðsmann að taka ekki að sér Bítlana? Hversu mikið töpuðu bókaútgefendur á því að trúa ekki á J.K Rowling? Þetta og mörg önnur mistök í þessum þætti!

Viðtal: Sverrir Bergmann

Við fengum gamlan og góðan vin í spjall og förum við yfir ansi margt áhugavert!
Við byrjum á því að hneysklast á og greina búbblufíkn Birkis. Við tölum um fyrstu þjóðhátíð Sverris og Birkis, þar sem Birkir var handjárnaður við stelpu í 24 klukkutíma og sú stelpa var ekki í lögreglunni. Sverrir talar um það þegar hann lenti á sama pókerborði í Vegas og stærsta idol-ið sitt og svo metur hann karaoke frammistöðu Daða og Birkis, hann skellir sér líka í hraðaspurningar og svo hið klassíska ríða, drepa, giftast! Stórskemmtilegur þáttur með stórskemmtilegum gest.
Við minnum á instagram síðuna okkar og TikTok þar sem slatti af efni kemur inn í hverri viku :)
www.bubblurogbjor.is geymir alla linkana sem þú þarft til þess að finna okkur á samfélagsmiðlum.

Verstu störfin í heiminum

Í þessum þætti er nettur galsi í gangi þar sem við byrjuðum á búbblum og bjór töluvert áður en við mættum í upptökur. Við förum við yfir verstu störf í heiminum í gegnum tíðina, eða þorrann af þeim. Allt frá því að smakka mögulega eitraðan mat fyrir konungsfólk í það að senda börn niður í strompa, og allt þar í kring. Ruglum og bullum og förum í skemmtilegan leik sem er um leið barnalegur og fáránlega fyndinn, eða það fannst okkur allavega eins og greinilega heyrist!

Darwin verðlaunin

Charles Darwin var einhver klárasti gaur allra tíma....er okkur sagt allavega...
Það er því tilvalið að skíra verðlaun sem tengjast því að deyja í ótrúlegri heimsku eftir þessum gáfaða manni. Í þessum þætti förum við yfir nokkur dauðsföll sem hlutu Darwin verðlaunin, eða The Darwin Awards eins og þau heita á ensku. Allt frá því að fara fram af risafossi sem þótti frábær óreynd hugmynd og að því að reyna að stoppa byssukúlu með bók! Allt frábærar hugmyndir, sem reyndust svo bara alls ekkert það frábærar! Svo kemur í ljós að Birkir var einu sinni ansi nálægt því að næla sér í verðlaunin, það myndband mun rata inn á instagram þáttarins ;)

Viðtal: Þórhallur Þórhallsson

Í þessum þætti fáum við hinn stórskemmtilega Þórhall Þórhallsson til okkar í viðtal. Við ræðum við hann um það þegar hann vann keppnina Fyndnasti maður Íslands árið 2007, þegar hann hitaði upp fyrir montrassinn Pablo Fransisco og hinn viðkunnanlega Jon Lajoie, hvernig hann dílar við “hecklers”, gamall karakter úr morgunþættinum Magasín á FM 957 er endurvakinn, Óskiljanlegi Bretinn og hann tekur hrikalega fyndinn símahrekk, svo tæklar hann líka Ríða, drepa, giftast á stórkostlegan hátt! Ég held að það sé óhætt að segja að við skemmtum okkur allir svakalega vel og þú munt gera það líka, eftir hverju ertu að bíða, ýttu á play ;)