Búbblur & Bjór

Lélegar ofurhetjur

Seint kemur þessi en kemur þó, einu sinni er allt fyrst ;)
Við komumst að því strax í byrjun á þessum þætti að Magic Mike myndin á fáránlega vel við ævi Birkis, A.K.A Tragic Mike!
Örstutt kvikmyndaspjall og svo förum við í málefni þáttarins, við erum aðeins smitaðir hérna frá Marvel vs. DC þættinum og nú ætlum við að telja upp lélegustu ofurhetjur allra tíma! Ofurhetjur eins og Krypto The Dog, Mr. Immortal, Leather Boy, Big Bertha, Bouncy Boy, Mystery Men ofurhetjuhópinn og fleiri hrikalega misheppnaðar ofurhetjur!

Hrekkir

Eru allir á sterum eða að míkródósa sveppi?
Við byrjum á þessari pælingu. Svo fá Birkir, Davíð og Þröstur 5 óþægilegar spurningar. Svo fer svakaleg flækja í gang þar sem enginn skilur ekkert. Daði verður bara reiður!
Svo förum við út í það að ræða hrekki. Við ræðum íslenskan hrekk sem tengist CIA. Við ræðum svo hrekki sem við höfum tekið á hvorn annan og aðra í kringum okkur. Við fáum að heyra um nokkra geggjaða Punk´d hrekki, fávita sem halda að þeir séu fyndnir með því að skemma eitthvað fyrir öðrum, Davíð fræðir okkur um Kancho hrekkinn, við förum líka yfir hrekki sem hafa komið og farið sem trends. Við förum í léttasta Friends Quiz allra tíma. Þátturinn endar svo á svaka tvisti þar sem við fáum allir pistil frá betri helmingnum okkar!
Pé ess, þátturinn gengur misvel, möguleg ölvun gæti tengst þeim málum...

Tímaflakk

Þá er það þriðji þáttur janúar mánaðar, a.k.a árlegur afmælisþáttur Birkis!
Við byrjum þennan þátt á djúpum pælingum um pissuferðir karlmanna og svo kemur Daði með mjög djúpar kojufylleríspælingar um mannslíkamann. Svo tekur umræða þáttarins við, tímaflakk! Er það til, er það hægt, hafa tímaflakkarar komið á okkar tíma, hvað myndum við gera ef við gætum tímaflakkað? Við sjáum hvað snillingar á reddit myndu gera ef þeir gætu tímaflakkað, Birkir kemur með mest sannfærandi tímaflakkarasögu heims frá Úkraínu, við skoðum framtíðarspár Simpson þáttanna sem hafa ræst og rennum svo yfir tímaflakkskvikmyndir og þætti. Svo í lokin fær Birkir magnaða afmælisgjöf frá Daða sem enginn hlustandi má missa af!

Marvel vs. DC

Birkir byrjar þáttinn í jákvæðum janúar með tuði og væli yfir facebook keðjupóstum, svo hressist hann við! Við förum í það að ræða Marvel og DC, hvort er betra, hvernig byrjaði hitt og þetta, teiknimyndasögublöð, teiknimyndir og bíómyndir, við snertum eitthvað á þessu öllu, Davíð er með allsskonar staðreyndir um Marvel og DC sem fæstir vita, Daði fræðir okkur aðeins um Stan Lee, the man, the legend! Og Birkir er með lista yfir ofurhetjur frá Marvel og DC sem þú hefur aldrei heyrt um, en það er einmitt mjög góða ástæða fyrir því! Við fáum einnig að vita hvaða fræga poppstjarna ætlaði sér að vera Spider-Man og Birkir og Davíð fara svo í leik hjá Daða þar sem þeir giska á hvaða ofurhetja sagði þessa setningu! Eitt í viðbót, hver er þessi SEX NIGHTER!!??!!

Leikjaþáttur

Þessi þáttur er rosalegur, við ábyrgjumst það eiginlega að þú munir tárast úr hlátri allavega tvisvar sinnum.
Við byrjum nýtt ár á því að opna einn kaldan og fara í einn skemmtilegasta og misheppnaðasta spurningarþátt allra tíma! Við ræðum stuttlega um áramótaheit og íslenska leikjaþætti sem við munum eftir, eins og Bingó Lottó, SPK, Jing Jang  og fleiri.
Svo förum við í spurningaleiki, Birkir og Þröstur keppast um að vita betur í Krakka kviss spurningum frá Daða, Birkir á svo mesta leikjaþáttaklúður í sögunni, hann setur Daða og Þröst í „Hvor þekkir hvorn betur“ og þessi leikur endar í þvílíku hysteríurugli að annað eins hefur aldrei sést, mikið hlegið og hneykslast, klúður frá A til Ö, spurningaleikur þar sem þátttakendur kunna ekki leikinn, og ekki heldur spyrillinn, þátturinn lokast svo á spurningarkeppni um bíómyndir, giskað út frá vísbendingum. Hér byrjum við árið á algjöru klúðri en djöfull var gaman!

Áramótin 24/25

Varúð: Þessi þáttur dansar á línunni á köflum!
Við kryfjum árið 2024 í þessum þætti ásamt því að fara í drykkjuleiki. Daði færir Birki litla jólagjöf eftir að hafa fengið móral þegar Birkir gaf strákunum gjöf í síðasta þætti, Birkir segir frá trufluðum draum um strákana sem hann fékk sem var svona pínu ja…kynferðislegur, svo taka við drykkjuleikir til að koma okkur í gang, Davíð tekst einhvernveginn illa að skilja þá samt, við ræðum svo árið og tökum meðal annars fyrir veðurfar á Íslandi sem náði nýjum lægðum þetta árið, Wok On ævintýrið, eldgosin, Diego úr A4, ísbjörninn sem mætti, helvítis parísarhjólið í Reykjavíkurhöfn, Hawk Tuah ruglið, P. Diddy málið, skotárásina á Donald Trump, drónarnir í Bandaríkjunum og slitnir sæstrengir, svo eiga Dagbók Daða og Dagbók Davíðs óvæntar endurkomur. Við fáum líka að heyra þegar Fatman Scoop, R.I.P. og gengið hans ætlaði að ráðast á Birki en Daða tókst að settla málin. Davíð fer svo yfir algengustu leitarorðin á Pornhub á árinu enda er það honum hjartans mál, pé ess, Davíð var fulli kallinn!

Jólagleðin 2024

Við gerum ýmislegt í þessum þætti, byrjum létt spjall með jólagjafakaupum og undirbúning, Birkir segir okkur frá því þegar hann rændi óvart verslun um daginn. Birkir gefur Daða og Davíð gjafir og fær ekkert tilbaka. Svo förum við yfir allsskonar vitneskju um jólin og jólasveina, vissir þú að einu sinni voru jólasveinarnir ekki 13, heldur 78, og hinir hétu margir helvíti sérstökum nöfnum sem við förum yfir í þættinum. Svo fáum við að heyra um uppruna ameríska jólasveinsins, Davíð er með lista yfir erlendar jólahefðir sem tengjast einhverra hluta vegna...kúk? Svo veljum við bestu jólamynd allra tíma með útsláttarkeppni, en hey, GLEÐILEG JÓL OG TAKK FYRIR AÐ HLUSTA! 🫶

Kynlíf

Kynlíf, vá hvað þetta er pínlegt á köflum, allavega!
Birkir opnar þáttinn á downer að spyrja okkur hversu lengi makarnir okkar væru að finna sér nýjan maka ef við myndum deyja. Svo förum við í umræðu um múffuna sem fór heim með Birki, Birkir telur upp lista yfir meðalstærð í heiminum, hverjir eru með minnsta og hverjir hafa þann stærsta. Daði spyr AI allsskonar spurningar um kynlíf, þar sem hann fær meðal annars lista yfir vinsælustu stellingarnar og AI lýsir þeim nokkuð ítarlega.
Svo útskýrir Birkir aðrar stellingar fyrir okkur eins og Scoop Me Up, The Good X, Spider, Butt Churner, The Pretzel Dip, Spork og Snow Angel sem dæmi, svo fær Birkir heiðurinn á því að loka þættinum á hallærislegasta hátt heims! Allt í allt, vandræðalegur þáttur!