Búbblur & Bjór

Birkir yfirheyrður

The Twosome Gruesome eða dúllurnar tvær, þið ráðið hvort þið kallið þá, Birkir og Þröstur eru mættir á svæðið, þeir athuga hvar í andskotanum Daði er, þeim fannst "fríið" hans hljóma eitthvað skringilega, og svo lendir Birkir í allsherjar yfirheyrslu frá Þresti þar sem við lærum ýmislegt um hann. Sumt við hann er venjulegt en annað ekkert eðlilega skrítið!

Halloween

Syndirnar 4 eru mættar saman í þessum frábæra Halloween þætti, Birkir, Daði, Davíð og Þröstur, þeir ræða um allt og ekkert tengt þessum degi, sumt er mjög áhugavert, annað minna, en alltaf er jafn gaman hjá þessum vitleysingum!

Árið er 2000

Birkir og Davíð koma saman og tala um aldamótin 2000. Það eru 25 ár síðan svo það er engin furða að Davíð man ekkert eftir þessum tíma, en það er svo sem skiljanlegt því hann er svo gamall en Birkir minnir hann á hvað þetta var góður tími!

Lélegar markaðssetningar

Það er mikið fjör og gaman hjá Birki og Davíð í þætti vikunnar þar sem þeir fara yfir lélegustu markaðssetningar fyrri tíma, eins og til dæmis New Coke…hver man ekki eftir því? Það var stórkostlegt klúður!

Pyntingar

Það er hugljúfur þáttur í dag, enda er Ed Gein vika á Netflix! Í þessum þætti er fullur bátur af misfullum strákum. Birkir, Daði, Davíð og Þröstur eru allir mættir í hús og ræða allsskonar pyntingar sem hafa verið framkvæmdar í gegnum tíðina. Mannskepnan getur verið fjandi gróf og það klikkaðasta er að á sínum tíma þótti sumt af þessu nokkuð eðlilegt! Endilega leggjið við hlustir og fáið smá hroll!

Topp 10 sjónvarpsþættirnir

Birkir og Davíð fengu Krissu aftur í heimsókn. Þau fara yfir topp 10 bestu sjónvarpsþætti sem þau hafa séð! Til dæmis: Dexter, Supernatural, Breaking Bad og fleiri, sumir eru vissulega með betri smekk en aðrir, en þið kæru hlustendur, þið dæmið það!

Eru allir að missa sig?

Það er loksins fullur bátur í dag, Birkir, Daði, Þröstur og Davíð eru allir komnir saman í stúdíóið. Strákarnir ræða um hvað þeir eru búnir að vera að bralla undanfarið og ræða hvað er að gerast í heiminum í dag sem er ansi margt! Hér er bara vitleysan töluð en til í mörgu samt, eða hvað?

Nostalgía

Birkir og Davíð fengu gestastjórnanda með sér í þennan þátt, hana Krissu vinkonu þeirra og dyggan hlustanda þáttarins. Þau fóru yfir nostalgíu og hvað fylgir henni. Tónlist, þættir og hlutir sem láta mann fá þessa tilfinningu sem er nostalgia